వెండితెర సీత అంజలీదేవి కన్నుమూత

వెండితెర సీత అంజలీదేవి కన్నుమూత

తెలుగు ప్రేక్షకుల చెరగని ముద్ర వేసుకున్న అలనాటి సినీ నటి అంజలీదేవి కన్నుమూశారు. చెన్నయ్‌లోని విజయ ఆస్పత్రిలో అనారోగ్యంతో చికిత్స పొందుతున్న అంజలీదేవి సోమవారం మధ్యాహ్నం తుది శ్వాస విడిచారు. ఎన్టీఆర్‌, ఏఎన్నార్‌ వంటి ప్రముఖ హీరోలతో నటించిన అంజలీదేవి అప్పట్లో తెలుగు ప్రేక్షకులను ఎంతగానే అలరించారు.

1927 ఆగస్టు 24తూర్పుగోదావరి జిల్లా పెద్దాపురంలో అంజలీదేవి జన్మించారు. 1940 సంగీత దర్శకుడు ఆదినారాయణరావును ఆమె వివాహం చేసుకున్నారు. అంజలీదేవికి ఇద్దరు కుమారులు. తెలుగు , తమిళ, కన్నడ భాషల్లో 500కు పైగా సినిమాల్లో అంజలీ నటించారు. 350 తెలుగు సినిమాల్లో నటించిన అంజలీదేవి వెండితెర సీతగా ప్రఖ్యాతి గాంచారు. లవకుశ చిత్రంలో సీత పాత్రకు ప్రాణం పోసింది అంజలీదేవియే. తొలి రంగుల చిత్రం లవకుశ అంజలీదేవిగా సినీ కెరీర్‌లో ఓ మైలురాయి.