KIDS NEWS: Sheela Veerraju Art Exibition

రవీంద్రభారతిలో శీలా వీర్రాజు కళా ప్రదర్శన

హైదరాబాద్ రవీంద్రభారతి ప్రాంగణంలోని ఐసీసీఆర్ ఆర్ట్ గ్యాలరీ, కళాభవన్‌లో శీలా వీర్రాజు చిత్రకళా ప్రదర్శన అందరినీ ఆకట్టుకుంటోంది. గ్రామీణ ప్రాంతాల ప్రజల జీవన విధానం వీర్రాజు పెయింటింగ్‌లో ఉట్టిపడుతుంది. 1975లో వీర్రాజు చిత్రకళా ప్రదర్శన ఏర్పాటు చేశారు. మళ్లీ 37 సంవత్సరాల తర్వాత తిరిగి ఈ ప్రదర్శన ఏర్పాటైంది. 

వీరి వీరి గుమ్మడి పండు... వీరి పేరేంటి...వీర్రాజు పెయింటింగ్

 

ఊహకు రూపాన్నిచ్చి, వేయి పదాలతో చెప్పలేని విషయాన్ని కొద్దిపాటి రేఖలతో చెప్పగలిగే గొప్పకళే చిత్రకళ. అటువంటి కళకు అద్దం పట్టిన చిత్రకారుడు శీలా వీర్రాజు. ఈ చిత్రకళా ప్రదర్శనకు విశేష స్పందన లభిస్తోంది. 61 పెయింటింగ్స్‌ను అందులో ఉంచారు. ఈ నెల 28 వరకు సాగే ఈ ప్రదర్శన ఉదయం 11 నుంచి రాత్రి 7 గంటల వరకు ఉంటుంది.