KIDS NEWS: 101 yrs marathon runner

యువతకు స్ఫూర్తిదాత... వృద్ధ మారథాన్ రన్నర్

101 ఏళ్ల వయసున్న ఈ మారథాన్ రన్నర్  సింగ పూర్లో ఆదివారం జరిగిన పది కిలోమీటర్ల పరుగుపందెంతో రిటైర్మెంట్ ప్రకటించాడు.ఈ వృద్ద ఔత్సాహికుడు పౌజన్ సింగ్ భారత్లో జన్మించినా బ్రిటన్లో నివాసం ఉంటున్నాడు. 86వ ఏట భార్య, కుమారుడు దుర్మరణం పాలైన తర్వాత రన్నింగ్ వైపు దృష్టి సారించాడు. అప్పటి నుంచి ప్రపంచ వ్యాప్తంగా కొన్ని వందల మారథాన్ రేసుల్లో పాల్గొన్నాడు. రికార్డులు కూడా నమోదు చేశాడు. అలాగని యవ్వనంలో ఉన్నప్పుడు పరుగు పందేల్లో పాల్గొన్న అనుభవమేదీ లేదీయనకు. పట్టుదల, కృషి అనే రెండు పాజిటివ్ దృక్పథాలు ఈయనను తిరుగులేని వక్తిగా మలిచాయి. గిన్నిస్ బుక్ రికార్డుకు అర్హత ఉన్నా వయస్సు ధృవీకరణ పత్రమేదీ లేనందున రికా్రడ్ఉల్లో పేరు నమోదు కాలేదు. అయితే ప్రపంచంలో అత్యంత ఎక్కువ వయస్సున్న మారథాన్ రన్నర్ ఈ సింగ్ గారే. పుట్టుకతో వృద్ధులైన యువకులకు, బద్ధకిస్టులైన బావితరం దూతలకు సింగ్ ఆదర్శప్రాయుడు. తలవంచి నమస్కరించాల్సిన స్ఫూర్తిదాత.....